Shefi i stafit të presidentes së Kosovës Vjosa Osmani, Blerim Vela, ka reaguar ndaj deklaratës së fundi të ministrit të jashtëm rus, Sergei Lavrov, i cili tha se Rusia e mbështet iniciativën e Ballkanit të Hapur, e cila është nismë e Serbisë, raporton GazetaBlic.
Përmes një postimi në “Twitter”, Vela shkruan se Lavror e sheh nismën e Ballkanit të Hapur si një instrument për promovimin e hegjemonisë rajonale nga Rusia dhe Serbia dhe për të prishur integrimin në BE dhe NATO.
“Ministri i Jashtëm i Rusisë, Lavrov konfirmon hapur lidhjen në mes synimeve hegjemoniste të Rusisë në Ukrainë dhe synimeve hegjemoniste të Serbisë ndaj Kosovës. Për më tepër, Lavrov e sheh nismën e Ballkanit të Hapur si një instrument për promovimin e hegjemonisë rajonale nga Rusia dhe Serbia dhe për të prishur integrimin në BE dhe NATO”, shkroi Vela.
❗️#Russia’s MFA Lavrov openly confirms the link between Russia’s hegemonic goals in #Ukraine to #Serbia’s hegemonic goals towards #Kosovo.
Moreover, Lavrov sees Open Balkan initiative as an instrument for promoting regional hegemony by RUS & SEB, and derail EU/NATO integration. pic.twitter.com/f3Pv2Pdu33
— Blerim Vela (@Blerim_Vela) June 7, 2022