Françesku, në përfundim të lutjes së Engjëllit të Tënzot, dënoi sulmin kundër qendrës tregtare të Kremenchukut, si dhe sulmet e tjera barbare kundër Ukrainës, duke kërkuar fundin sa më të shpejtë të luftës!
Papa i dënoi me forcë “sulmet barbare” të Rusisë kundër Ukrainës, si ai kundër qendrës tregtare të Kremenchuk. “E kam çdo ditë në zemër Ukrainën e dashur e të martirizuar, e cila vijon të fshikullohet nga sulme barbare, si ky i fundit, që goditi qendrën tregtare të Kremenchuk”.
Këtë e kujtoi Bergoglio pas lutjes së Engjëllit. Papa lutet që “kjo luftë e çmendur të marrë fund sa më shpejt të jetë e mundur” e përsërit edhe ftesën për të vijuar pa u lodhur lutjen për paqen: “Zoti i haptë udhët e dialogut, që njerëzit nuk i duan a nuk mund t’i gjejnë, e të mos harrojnë ta mbështesin popullsinë e Ukrainës, që vijon të vuajë aq shumë”./Radio Vatikani