Të paktën 3,000 banorë të Mariupolit po mbahen në një “kamp filtrues” rus në Donetsk, një qendër kjo për strehimin e civilëve përpara se ata të evakuohen.
Kështu ka deklaruar Petro Andryushchenko, këshilltar i kryetarit të bashkisë së Mariupolit.
Rusia ka ngritur të ashtuquajturat kampet e saj të filtrimit në shumë vende jashtë Ukrainës, por shumë ukrainas kanë rrëfyer tregime rrëqethëse të jetës në këto qendra , njëri duke i përshkruar ato “si një kamp i vërtetë përqendrimi”, shkruan BBC.
Sipas tij, një ish-institucion korrektues në qytetin Olenivka është kthyer në një kamp filtrimi.
“[Ata po mbahen] vetëm për shkak të pozicionit të tyre aktiv pro-ukrainas. A nuk është represion dhe persekutim politik?”, deklaroi Andryushchenko.
Ai tha gjithashtu se “makina represive” ruse kishte rritur aktivitetin në të gjithë Mariupolin dhe rrethinat e tij, me rusët që po kërkonin në mënyrë aktive veteranët ukrainas të luftës.