Përfaqësuesja e Kosovës në futboll ka mësuar sot kundërshtarët e saj për edicionin e katërt të garës së Ligës së Kombeve.
Kosova ndodhet në Ligën C të Ligës së Kombeve, teksa është caktuar të luaj në Grupin 2.
Për kundërshtarë, Përfaqësuesja e Kosovës ka Rumaninë, Qipron dhe varësisht kush kualifikohet nga Liga D do të luaj ndaj Lituanisë ose Gjibraltarit.
“Dardanët” do t’i zhvillojnë dy ndeshje në shtator, dy në tetor e dy në nëntor.
Për tu përgatitur për këto ndeshje, Kosova ka aranzhuar ndeshje miqësore me tre kombëtare të ndryshme deri më tani. Do të përballet me Hungarinë, Armeninë e Norvegjinë.
Shorti i plotë, Liga C
Grupi 1: Suedia, Azerbejxhan, Slovakia, Estonia.
Grupi 2: Rumania, Kosova, Qipro, Lituania/Gjibraltari.
Grupi 3: Luksemburgu, Bulgaria, Irlanda e Veriut, Bjellorusia.
Grupi 4: Armenia, Ishujt Faroe, Maqedonia e Veriut, Latvia.