Përkufizimin më të mirë përsa i përket respektit, krahas shumë të tillëve nga personalitete të shquara botërore, na e ka lënë poeti i njohur pakistanez Hussein Nishan, i cili këtë virtyt e përkufizon kësisoj:
„Trajtoji njerëzit ashtu siç do të doje të të trajtonin ata ty, foli të tjerëve ashtu siç do të dëshiroje të të flisnin ata ty. Respekti fitohet, nuk dhurohet“.
Pikërisht sot, (18 shtator) është dita botërore e respektit, e cila është krijuar për të inkurajuar njerëzit që të përqëndrohen më shumë në mënyrat se si ata mund të jenë më të respektueshëm ndaj të tjerëve.
Vetëm duke respektuar të tjerët, në mënyrë direkte do të ndjeni respekt të thellë edhe ndaj vetvetes, i cili përfundimisht reflekton pozitivisht edhe tek njerëzit që ju rrethojnë.
Respekto që të të respektojnë!