Vepra e kompozitorit Mendi Mengjiqi shfaqet në Festivalin e Koresë së Jugut për 250-vjetorin e lindjes së Bethovenit
Vepra e kompozitorit Mendi Mengjiqi shfaqet në Festivalin e Koresë së Jugut për 250-vjetorin e lindjes së Bethovenit 26.07.2020 | 11:30
Veprat e artistëve të përzgjedhur botërorë të muzikës klasike do të shfaqen në Festivalin Ndërkombëtar në Seul të Republikës së Koresë (Koreja e Jugut) nga tetori në nëntor të këtij viti për të shënuar 250-vjetorin e lindjes së kompozitorit Ludwig Van Bethoven, e në mesin e veprave që do të shfaqen në këtë festival është edhe një vepër e kompozitorit/profesorit nga Kosova, Mendi Menqjiqi.
 
Festivali vjetor në Seul mbahet nga 20 tetori deri më 1 nëntor, ndërsa vepra prej 13 minutash e Menqjiqit, e titulluar “Forsaken” (Të braktisurit), do të shfaqet më 30 tetor.
 
Sipas programit të ditës (http://www.simf.kr/program.html), më 30 tetor, pas veprës së kompozitorit nga Lupçi i Epërm dhe të profesorit në Universitetin e Prishtinës, do të ekzekutohet vepra “Misa Solemnis” (Lutje Solemne) e Bethovenit.
 
Vepra e Menqjiqit i kushtohet masës së varfër, të vuajtur e të shkelur dhe ajo në një mënyrë është thirrje për shpëtimin e saj.
 
Për nder të kësaj përmbajtjeje të veprës së kompozitorit Mengjiqi, edhe dita e shfaqjes më 30 tetor është emëruar nga organizatorët koreanë “Salvage of the Forsaken” (Shpëtimi i të Braktisurve).
 
Menqjiqi veprën e tij të porositur nga organizatorët e Festivalit, e punuar enkas për këtë festival në Seul, pasi e kishte marrë kërkesën për një vepër të re për nga vetë koreanët qysh vitin e kaluar.
 
Vepra në fjalë të Menqjiqit dhe ajo e Bethovenit do të ekzekutohet nga orkestra simfonike SIMF e Koresë së Jugut, e dirigjuar nga Hogeun Yoon.
 
Është kjo hera e parë që një kompozitor i rajonit të Ballkanit Perëndimor ftohet në këtë festival tashmë 12-vjeçar dhe është pikërisht kompozitori shqiptar nga Kosova, Menqjiqi, i ftuari i cili me punën e tij tashmë mbi 20-vjeçare në muzikë klasike e ka tërhequr vëmendjen e organizatorëve botërorë, e tash edhe në Kore të Jugut.
 
“Dtt-net.com” mëson se kompozitori Menqjiqi do të jetë edhe personalisht pjesëmarrës në festivalin në fjalë në Seul, i ftuar dhe i kontraktuar nga organizatorët.
 
Në po të njëjtin festival më 23 tetor do të ekzekutohet edhe vepra «Ciaccona» e ish-profesorit dhe mikut të ngushtë të Menqjiqit gjatë studimeve në Krakow të Polonisë në vitet e ’90-ta Krzysztof Penderecki, i cili ka ndërruar jetë në mars të këtij viti. Menqjiqi ndërkohë është duke edhe punuar në një vepër tjetër kushtuar profesorit Penderecki, mëson “Dtt-net.com”. /dtt-net.com
Ëmbëlsirë e shpejtë nga mollët dhe arrat: Desert perfekt i gatshëm për gjysmë ore! Kombinimi i mollëve dhe i arrave përbën shije të vërtetë.
Recetë: Brokoli me gjizë e hudhra, shumë e shëndetshme Kjo është një recetë e thjeshtë, shumë fantastike dhe e pasur në vlera ushqyese. Përgatitet me
Maska që tërheqë fytyrën më mirë se botoksi Nuk keni nevojë të humbni shumë para për t’u dukur më të rinj!
Smoothie nga limoni dhe jogurti për dobësim dhe metabolizëm të shpejtë Nëse dëshironi të hiqni shpejt dhe shëndetshëm kilogramët nga kofshët dhe stomaku, atëherë ky
Palëpeta gjermane: Brumi më i shijshëm, por më i mira është që mund të jetë i njelmët dhe i ëmbël! Jemi të sigurt që do të kënaqeni në gatimin interesant dhe në shijen e parezistueshme të palëpetave