Duan me çdo kusht të vinë në Kosovë. Këta fëmijë insistojnë të nisën për atdhe, por për shkak të pandemisë covid19 atyre iu pamundësua . Tani, ata kanë gjetur një zgjidhje. Ato do vinë më ‘‘tepihun magjik’’.
Perparim Meha, nga Prekazi i Drenicës por që jeton në Belgjike, ka realizuar një video shumë interesante dhe kreative. Duke treguar kështu se si e ka gjetur ai menyrën për ti sjellë mbesat e nipin në Kosovë.
Përmes kësaj video të animuar, ai udheton jo më aeroplan, tren, anije e as veturë por me ‘‘tepihun e tijë magjik’’. Ai thotë se nuk është profesionist në këtë fushë të animacionit:
“Nuk jam profesionist, jam amator në këtë drejtim, e bëjë vetëm për hobi”, u shpreh ai për Indeksonline.
Meha, këtë video e ka ndarë në rrjetin e tij Facebook, duke shkruar: ‘‘Një Story / Përrallë argetuse e imagjinare e bërë nga shtëpija ..’’
Fëmijët shfaqën shumë të lumtur në këtë video, duke treguar kështu se sa shumë e duanë ata Kosovën. Një detaj mjaftë interesant shfaqet në fund. Me të arritur në Kosovë, ndalet energjia elektrike, dukuri kjo jo e rrallë në vend.