Fotografia që u shkrep nga një gazetar ndërkombëtar ka mbetur përgjithmonë pjesë e historisë së familjes Avdimetaj.
21 vjet më pas, janë kthyer në vendin e njëjtë.
Atëbotë, vajza ishte 5 muajshe dhe nuk kujton asgjë nga ajo kohë.
Por babai i saj, si shumë herë tjera, po i shpjegon asaj ngjarjen që kishte ndodhur para dy dekadash, raporton T7.
Por më shumë se gjithçka ngjarjen e asaj dite të rëndë, e shpjegon kjo fotografi që ka mbetur përgjithmonë pjesë e historisë së familjes Avdimetaj nga Isniqi i Deçanit.
Në prill të vitit 1999, Murati bashkë me gruan, babain dhe vajzen e tij dhe banorë të tjerë, ishin nisur për në Shqipëri.
Papritmas hasën në ushtrinë serbe.
Murat Avdimetaj, i mban mend mirë, kërcënimet e frikshme që ata ua bënë.
Por Avdimetaj thotë së ata shpëtuan për shkak të dy gazetarëve që fatmirësisht për ta, qëlluan në atë pjesë.
Pasi kaluan edhe 30 ditë në fshat, ata dhe 30 bashkëfshatarë të tjerë vazhduan rrugën për në Shqipëri.
Ndërsa pas rikthimit nga Shqipëria, ai vijoi punën në shkollën e fshatit.
Ndonëse nuk e kishte idenë se kjo fotografi ekziston, një familjare e tij e gjeti të njëjtën në internet.
E tash foshnja që atëbotë i kishte 5 muaj, i ka mbushur 22 vjet.
Ilirjana Avdimetaj tregon se shpesh pyetet nga shoqet e veta rreth historisë së kësaj fotografie, që bëri mjaft bujë.
Ndryshe me 25 maj të këtij viti, u shënua 22 vjetori i fillimit të luftës frontale në Strellc të Epërm./T7
Video