Numri i civilëve të vrarë ose të plagosur në Ukrainë në mars ishte 604, sipas OKB-së, e cila ka një ekip monitorues të të drejtave të njeriut në vend.
Sipa OKB-së, kjo shifër është 20 për qind më e lartë se ajo e shkurtit, shkruan Sky News, transmeton Klankosova.
Ndërkaq, Ministria e Mbrojtjes e Mbretërisë së Bashkuar tha se 57 fëmijë u raportuan të vrarë në mars, “dyfishi i muajit të kaluar”.
“Vdekjet e tyre i atribuohen drejtpërdrejt përdorimit rus të municioneve ajrore”, thuhet në njoftimin e kësaj ministrie.
Raporti i OKB-së thekson një rritje të sulmeve të koordinuara në infrastrukturën kritike të Ukrainës me 20 vende “të shkatërruara ose të dëmtuara”.