Mbrëmë parlamenti u shoqërua me një icident mes deputetit, Xhavit Ukaj dhe kryeparlamentres, Vjosa Osmani, shkruan Gazeta Blic.
Ajo që u vërejt që qëndronte në qetësi dhe nuk ndërhyri fare për të shuar këtë konflikt ishte Ministria e Financave, Hykmete Bajrami.Ajo thekson se e vetmja brengë, i vetmi angazhim i saj në kuadër të Qeverisë së Republikës së Kosovës është dhe do të jetë në funksion të rimëkëmbjes ekonomike dhe mirëqenies së qytetarëve.
Bajrami thotë se kushdo që ka pritur që të hynte në mes të deputetëve kur ata fjalosen e acarohen ka pasur pritje të gabuara.
Shkrimi i plotë i Bajramit:Gjithçka në funksion rimëkëmbjes ekonomike
E vetmja përplasje, e vetmja brengë, i vetmi angazhim i imi në kuadër të Qeverisë së Republikës së Kosovës është dhe do të jetë në funksion të rimëkëmbjes ekonomike dhe mirëqenies së qytetarëve. Jam dakord plotësisht me reagimin e Ambasadës së Shteteve të Bashkuara të Amerikës ku bëhet thirrje të gjithëve që mos të përdoret Parlamenti për sulme personale.
Kushdo që ka pritur që unë të hyj në mes të deputetëve kur ata fjalosen e acarohen ka pasur pritje të gabuara. Situata të tilla janë të papranueshme dhe duhet të adresohen aty ku e kanë vendin e jo në adresën time.
Jam Ministre e Financave dhe i gjithë fokusi im është te adresimi i problemeve ekonomike të qytetarëve, të bizneseve, të atyre që po mbesin për çdo ditë pa punë shkaku i pandemisë.Qytetarët po humbin për çdo ditë me secilën shtyrje që po u bëhet punëve në Parlament.
Prej marrëveshjeve ndërkombëtare e deri te shtyrja e rishikimit të Buxhetit.
T’i lëmë pak inatet personale dhe të fokusohemi në rimëkëmbjen ekonomike.
Do të kemi kohë për luftë politike dhe qërim të hesapeve personale kur shteti të rimëkëmbet nga pandemia.
Deri atëherë ruajeni shëndetin!
Hykmete N. Bajrami
Ministre e Financave