European Open: Loriana Kuka e fiton medaljen e artë
European Open: Loriana Kuka e fiton medaljen e artë 13.02.2022 | 22:41
Loriana Kuka e ka fituar medaljen e artë në Sarajevo European Open 2022, pasi e mundi në finale xhudisten italiane Linda Politi të dielën.
 
Xhudistja kosovare Kuka është kampione e European Open 2022 në kategorinë -78 kilogramë, raporton Gazeta Express.
 
Pas një lufte të barabartë në kohën e rregullt dhe me asnjërën xhudiste në gjendje të shënojë pikë, fituesja e medaljes së artë u desh të përcaktohej me atë që njihet si pika e artë.
 
Kosovarja ia doli të shënojë pikë të artë ëaza-ari për ta mposhtur italianen pas një minute 49 sekondave.
 
Kuka, për të cilën kjo ishte medalja e parë këtë vit, e nisi garën duke e kaluar rrethin e parë pa luftë.
 
Por 24-vjeçarja, e 32-ta në botë, ishte e pandalshme në katër luftërat gjatë rrugës së saj drejt medaljes së artë në Bosnje.
 
Kuka vuajti për ta kaluar turken Serdem Daharli në një luftë të ashpër në rrethin e dytë.
 
Pastaj asaj iu deshën vetëm 24 sekonda për ta mundur Lieke Derks nga Holanda në cerekfinale.
 
Një betejë tjetër e vështirë e priti kosovaren në gjysmëfinale kundër kroates Petrunjela Pavic të cilën e përgjaku për ta siguruar finalen në fund.
 
Kosova u përfaqësua edhe nga Shpati Zekaj dhe Arbër Kullashi në këtë garë, të cilët nuk ia dolën të fitonin medalje.
 
Derisa Zekaj ishte afër medaljes së bronztë, Kullashi u rrëzua nga gara shumë herët. /Gazeta Express/
Biskota me çokollatë dhe avokado – Ëmbëlsira e shëndetshme Avokado mund të jetë një zëvendësues i shkëlqyeshëm i vajit ose i gjalpit, për ta bërë këtë mjafton
Recetë: Brokoli me gjizë e hudhra, shumë e shëndetshme Kjo është një recetë e thjeshtë, shumë fantastike dhe e pasur në vlera ushqyese. Përgatitet me
Maska që tërheqë fytyrën më mirë se botoksi Nuk keni nevojë të humbni shumë para për t’u dukur më të rinj!
Smoothie nga limoni dhe jogurti për dobësim dhe metabolizëm të shpejtë Nëse dëshironi të hiqni shpejt dhe shëndetshëm kilogramët nga kofshët dhe stomaku, atëherë ky
Palëpeta gjermane: Brumi më i shijshëm, por më i mira është që mund të jetë i njelmët dhe i ëmbël! Jemi të sigurt që do të kënaqeni në gatimin interesant dhe në shijen e parezistueshme të palëpetave