Pilotja, Lisjeta Thaqi, është renditur e para në botë në kategorinë e femrave, një arritje që e vendos Kosovën në majën e paragllajdit botëror, përcjell Gazeta Metro.
Këtë e ka bërë të ditur Federata Aeronautike e Kosovës e cila theksoi se ky sukses historik vjen nën udhëheqjen e trajnerit të saj, rekordmenit botëror dhe evropian Fanol Shala
“Nën ombrellën e Federata Aeronautike e Kosovës, ky rezultat dëshmon se Kosova tashmë është një forcë serioze në skenën ndërkombëtare të paragllajdit të precizionit. Ky është një moment krenarie kombëtare. Një moment që dëshmon se me punë, pasion dhe bashkëpunim, edhe vendet e vogla mund të arrijnë majat e botës”, thuhet në njoftimin e Federatës. /gazetametro.net