Kabineti qeveritar në Izrael u pajtua sot për fazën e re të operacioneve në Gaza, ku përfshihet vendosja e kontrollit ushtarak mbi këtë territor, përcjell Gazeta Metro.
Vendimet e kabinetit qeveritar përfshijnë pra kontrollin e plotë të Gazës, zhvendosjen e palestinezëve drejt jugut, si dhe moslejimin e Hamasit që të shpërndajë ndihma humanitare.
“Që nga momenti i fillimit të operacionit tokësor, nuk do të ketë tërheqje nga territoret që kemi kapur – as në këmbim të pengjeve. Mënyra e vetme për të liruar pengjet është të mposhtim Hamasin,” tha ministri Smotrich.
Sipas raportimeve në Izrael, shteti hebraik i ka dhënë ultimatum grupit terrorist Hamas që të pranojë propozimin për armëpushim të të dërguarit presidencial Steve Witkoff.
Nëse nuk pranohet ky ultimatum deri në fund të vizitës së presidentit Trump në Lindjen e Mesme, që pritet të ndodhë javën e ardhshme, sipas Jerusalem Post, atëherë ushtri izraelite do të fillojë operacionin e ri./gazetametro.net
🚨🚨 Israel gives Hamas a deadline: a deal in the Witkoff framework by the end of Trump’s Middle East visit – or the start of a large-scale operation in the Gaza Strip.
— Amichai Stein (@AmichaiStein1) May 5, 2025