Ballkani shënoi fitore historike sonte kundër Sivasspor me rezultat 3-4 në një ndeshje tejet dramatike të zhvilluar në Turqi, ku goli i fitores erdhi vetëm në minutat e fundit nga anësori, Ermal Krasniqi, transmeton Gazeta Metro.
Golat e fitores për suharekasit i shënuan Armend Thaqi, Arbër Potoku, Meriton Korenica dhe Ermal Krasniqi.
Lojtari më i mirë te kampionët në fuqi të Kosovës sipas SofaScore ishte kapiteni, Armend Thaqi, i cili u vlerësua me notën 7.8.
Ndërsa, me notë të lartë (7.2) u vlerësua edhe mbrojtësi i krahut të majtë dhe realizuesi i golit të dytë, Arbër Potoku.
Me këto tre pikë të arkëtuara tani Ballkani është në vendin e dytë në grup me katër pikë, aq sa kanë edhe Sivasspor dhe Slavia Prague, ndërsa me vetëm një pikë është CFR Cluj.
Slavia Prague dhe CFR Cluj do të takohen sonte në Çeki me fillim nga ora 21:00./gazetametro.net