Ekipi olimpik i Kosovës ka parakaluar në ceremoninë hapëse të Lojërave Olimpike Dimërore Milano Cortina 2026, duke prezantuar shtetin tonë në mesin e dhjetëra vendeve pjesëmarrëse në këtë ngjarje të madhe sportive botërore.
Flamurin e Kosovës e bartën dy skitarët alpikë, Kiana Kryeziu dhe Drin Kokaj, të cilët përfaqësojnë vendin në këtë edicion të Lojërave. Dy sportistët morën pjesë në paradën e atletëve gjatë ceremonisë hapëse, duke shënuar edhe paraqitjen e radhës të Kosovës në Olimpiadën Dimërore.
Kosova në këtë Olimpiadë përfaqësohet nga këta dy sportistë të skijimit alpin, me Kryeziun që garon në disa disiplina, ndërsa Kokaj debuton në garat olimpike dimërore, duke vazhduar prezencën e sportit kosovar në skenën më të madhe ndërkombëtare./KultPlus.com