UEFA ndëshkon rëndë Kosovën pas ndeshjes me Izraelin
UEFA ndëshkon rëndë Kosovën pas ndeshjes me Izraelin 19.11.2026 | 12:00
UEFA ka shqiptuar një dënim të rëndë financiar ndaj Federatës së Futbollit të Kosovës (FFK), pas ndeshjes së zhvilluar kundër Izraelit më 14 nëntor, në kuadër të Ligës së Kombeve.
 
Takimi i zhvilluar në stadiumin “Fadil Vokrri” përfundoi me rezultat 0:0, por sjelljet e evidentuara gjatë kësaj përballjeje kanë bërë që Kosova të ndëshkohet nga organet disiplinore të UEFA-s.
 
Sipas vendimit të Komisionit të Kontrollit, Etikës dhe Disiplinës së UEFA-s (CEDB), FFK-ja është dënuar me gjithsej 42 mijë e 250 euro gjobë për katër shkelje të ndryshme.
 
Gjobën më të madhe, prej 20 mijë eurosh, Kosova e ka marrë për transmetimin e një mesazhi që nuk është i përshtatshëm për një ngjarje sportive.
 
Ndërkohë, 10 mijë euro të tjera janë shqiptuar për sjellje raciste dhe/ose diskriminuese, ndërsa 10 mijë euro për incidentet e shkaktuara gjatë intonimit të himneve kombëtare.
 
Për hedhjen e sendeve në fushë, UEFA e ka gjobitur FFK-në me 2 mijë e 250 euro.
 
Përveç gjobave financiare, UEFA ka marrë edhe një vendim për mbylljen e pjesshme të stadiumit “Fadil Vokrri”, përkatësisht sektorit L2 ose një sektori me madhësi të ngjashme në rast se ndeshja e ardhshme zhvillohet në një stadium tjetër.
 
Megjithatë, ky dënim është pezulluar për një periudhë prove prej dy vjetësh. Kjo nënkupton se Kosova nuk do të detyrohet ta zbatojë menjëherë mbylljen e sektorit, por mund të përballet me këtë masë nëse përsërit shkelje të tilla gjatë periudhës së përcaktuar.
 
Kështu, përballja pa gola me Izraelin i ka kushtuar FFK-së një faturë prej 42 mijë e 250 eurosh, si dhe një paralajmërim serioz nga UEFA për sjelljet në stadium.
Biskota me çokollatë dhe avokado – Ëmbëlsira e shëndetshme Avokado mund të jetë një zëvendësues i shkëlqyeshëm i vajit ose i gjalpit, për ta bërë këtë mjafton
Recetë: Brokoli me gjizë e hudhra, shumë e shëndetshme Kjo është një recetë e thjeshtë, shumë fantastike dhe e pasur në vlera ushqyese. Përgatitet me
Maska që tërheqë fytyrën më mirë se botoksi Nuk keni nevojë të humbni shumë para për t’u dukur më të rinj!
Smoothie nga limoni dhe jogurti për dobësim dhe metabolizëm të shpejtë Nëse dëshironi të hiqni shpejt dhe shëndetshëm kilogramët nga kofshët dhe stomaku, atëherë ky
Palëpeta gjermane: Brumi më i shijshëm, por më i mira është që mund të jetë i njelmët dhe i ëmbël! Jemi të sigurt që do të kënaqeni në gatimin interesant dhe në shijen e parezistueshme të palëpetave