Po vazhdojnë reduktime të energjisë elektrike në Kosovë ku për këtë ka reaguar deputetja e Lidhjes Demokratike të Kosovës (LDK), Janina Ymeri duke ngritur shqetësime për menaxhimin e sektorit energetik në Kosovë, shkruan Gazeta Metro.

 

Ajo ka treguar se vendi ësht ë në prag të kolapsit total, teksa shton se ZRRE-ja (Rregullatori) nuk ka bërë plan dhe ka lejuar këtë rrëmujë ku secili vepron kokë më vete.

 

“Pse po ndalet rryma dhe çfarë po ndodh?Komunikata e KOSTT-it thotë se KEDS-i ka porositur/rezervuar rreth 26% më pak rrymë sesa na nevojitet.Pra figurativisht, sikurse në Doganë mos me tregu sa duhet me importu (KEDS). Për shkak se KEDS nuk e ka porositur/rezervuar rrymën me kohe, rrjeti energjetik eshte ne prag te kollapsit total. Për ta shpëtuar sistemin nga kolapsi total, KOSTT detyrohet të urdhërojë ndërprerje (reduktime) të rrymës. Me këto devijime, edhe fajsime e shfajsime nga njëri tek tjetri akter i sektorit të energjisë në Kosovë, rrjeti energjetik I Kosovës rrezikon të dënohet dhe potencialisht kthehet prapa nën menaxhimin e Serbisë (siç ishte para 2021). Rryma që po harxhohet tani (siç është importi emergjent i KOSTT-it) por edhe në përgjithësi në treg ditor, është shumë e shtrenjtë. Kjo kosto do të na kthehet neve përmes ndarjeve emergjente bugjetore për KOSTT-in qe janë te paevitueshme dhe shtrenjtimit të madh të faturave në të ardhmen e afërt”, ka shkruar Ymeri./gazetametro.net