“Shpëtoni shoqet e mia të ekipit”, kapitenia e ekipit afgan të futbollit për femra u bën thirrje FIFA-s
“Shpëtoni shoqet e mia të ekipit”, kapitenia e ekipit afgan të futbollit për femra u bën thirrje FIFA-s 21.08.2021 | 09:40
Kapitenia e ekipit afgan të futbollit për femra i ka bërë thirrje FIFA-s që të shpëtojë shoqet e saj të skuadrës nga talebanët që kanë marrë pushtetin ditët e fundit.
 
25-vjeçarja Shabnam Mobarez, e cila aktualisht banon në SHBA, i ka kërkuar qeverisë së futbollit që të ndërhyjë. Ajo postoi në Tëitter një bisedë me një nga shoqet e saj, të cilën e kishte pyetur nëse ishte mirë.
 
“Shoqja ime e ekipit në Afganistan: Jo, nuk jam mirë. E di që ata do të më kërkojnë dhe do të më gjejnë së shpejti. A më ndihmon dot?
 
FIFA, si t’i përgjigjem unë kësaj pyetjeje? Duhet të veprojmë që të shpëtojmë shoqet e mia të skuadrës. Ato janë motrat e mia”.
 
E ardhmja e grave në Afganistan duket e zymtë, po të merret parasysh se si u shkelën të drejtat e tyre në këtë vend kur talebanët kishin pushtetin në periudhën 1996-2001.
 
Gratë nuk lejoheshin që të punonin, të studionin apo të vizitoheshin nga një doktor nëse nuk ishin të shoqëruara nga një mashkull i familjes.
 
Edhe ish-kapitenia e ekipit kombëtar afgan të femrave, Khalida Popal, u kërkoi futbollisteve që të mbyllin profilet në rrjetet sociale dhe të djegin uniformat që të mbrojnë identitetin dhe jetën e tyre.
 
 
Biskota me çokollatë dhe avokado – Ëmbëlsira e shëndetshme Avokado mund të jetë një zëvendësues i shkëlqyeshëm i vajit ose i gjalpit, për ta bërë këtë mjafton
Recetë: Brokoli me gjizë e hudhra, shumë e shëndetshme Kjo është një recetë e thjeshtë, shumë fantastike dhe e pasur në vlera ushqyese. Përgatitet me
Maska që tërheqë fytyrën më mirë se botoksi Nuk keni nevojë të humbni shumë para për t’u dukur më të rinj!
Smoothie nga limoni dhe jogurti për dobësim dhe metabolizëm të shpejtë Nëse dëshironi të hiqni shpejt dhe shëndetshëm kilogramët nga kofshët dhe stomaku, atëherë ky
Palëpeta gjermane: Brumi më i shijshëm, por më i mira është që mund të jetë i njelmët dhe i ëmbël! Jemi të sigurt që do të kënaqeni në gatimin interesant dhe në shijen e parezistueshme të palëpetave