Uruguai dhe Arabia Saudite ndanë pikët në ndeshjet e grupit H në Kupën e Botës e cila u mbyll 1-1.
Sauditët e nisën më mirë duke shënuar me Al Amrin, shkruan Arbresh.info.
Ai realizoi me kokë në minutën e 41-të, pas një goditje nga këndi.
Para golit Arabia Saudite rrezikoi pikërisht me Al Amrin por Muslera ishte në vend.
Edhe Uruguai rrezikoi në disa raste por pa sukses. Rastin më të mirë e patën në minutën e fundit të kohës së rregullt ku goditja e Vinas u ndal nga poetieri saudit.
Uruguai vazhdoi iniciativën edhe në pjesën e dytë. Më të nisur etapa e dytë Ugarte me një goditje të fortë gjuajti shtyllën.
Kurse edhe gjuajtja e Valverdes nga fualli u ndal nga portieri saudit.
Iniciativa e Uruguait u shpërblye dhjetë minuta para fundit kur Maxi Araujo realizoi për 1-1.
Pas golit të pësuar Arabia Saudite me Saud Abdulhamid rrezikoi, por goditja e tij e fuqishme shkoi pranë portës.
Deri në fund, De la Cruz pati një mundësi të mirë por goditja e tij u ndal nga portieri i Arabisë Saudite.
Uruguai e kërkoi me ngulm golin deri në fund, por edhe goditja rrufe e Valverdes u ndal nga portieri i sauditëve në minutën e katërt shtesë.
Dy kombëtaret kanë nga një pikë aq sa kanë edhe Spanja dhe Kepi i Gjelbër.
Ndeshjen e radhës Uruguai luan ndaj Kepit të Gjelbër, kurse Arabia Saudite përballet me Spanjën./arbresh.info