Lionel Messi vazhdon serinë rekord, fiton "Topin e Artë" për

Lionel Mesi ka vendosur hegjemoninë absolute për fitoren e trofeut të ”Topit të Artë” teksa ka fituar për herë të 8 në karrierë këtë çmim të rëndësishëm individual, dy më shumë se ndjekësi më i afërt, Kristiano Ronaldo.

Ylli argjentinas mori trofeun në mbrëmjen gala të zhvilluar në Paris, duke mundur Erling Haland dhe Kilian Mbape, të cilët ishin rivalët e vetëm që mund të kërcënonin futbollistin i cili u zgjodh si fitues për shkak të triumfit të tij në Kupën e Botës në dhjetorin e kaluar.

CEREMONIA

Ora 22:32 – Lionel Mesi është fituesi i “Topit të Artë” për herën e 8 në karrierë. Argjentinasi la pas Erling Haland dhe Kilian Mbape në garën për trofeun.

bandicam-2023-10-30-22-32-11-068-665x450

Ora 22:25 – Në skenë ngjitet Devid Bekam për të dorëzuar trofeun e “Topit të Artë” .

Ora 22:04 – Fituesja e ”Topit të Artë” për femra shpallet mesfushorja e Barcelonës dhe Spanjës, Aitana Bonmati.

bandicam 2023-10-30 22-06-20-958

Ora 22:00 – Zbulohet se Rodri, Vinicius dhe Julian Alvarez janë përkatësisht në vendet 5, 6 dhe 7 në garën për “Topin e Artë”.

Ora 21:55 – Meri Irps, Olga Karmona dhe Aleksandra Pop janë përkatësisht në vendin e 5-të, 6-të dhe 7-të në renditjen për “Topin e Artë” të femrave.

Ora 21:49 – Mançester Siti shpallet fituesi i trofeut për klubin më të mirë të futbollit për meshkuj.

Ora 21:37 – Çmimi “Gerd Myler” për golashënuesin më të mirë, i shkon Erling Haland, si sulmuesi që ka shënuar më shumë gola, 56 të tillë, gjatë këtij viti.

Ora 21:29 – Fituesi i trofeut “Lev Jashin” për portierin më të mirë të vitit u shpall Emiliano Martinez, të cilit ia dorëzoi trofeun babai i tij, Alberto.

bandicam 2023-10-30 21-30-47-623

Ora 21:14 – Trofeu i klubit të futbollit më të mirë për femra i shkon Barcelonës, fituese e Ligës së Kampioneve në fuqi.

bandicam 2023-10-30 21-15-54-345

Ora 21:05 – Vinicius Xhunior është fituesi i çmimit “Sokrates” për punën e tij me fondacionin që ka në Brazil për të ndihmuar fëmijët në nevojë.

bandicam 2023-10-30 21-07-02-641

Ora 21:02 – Bëhet e ditur se Osimhen, Bernardo Silva dhe Modriç janë lojtarët e pozicionuar përkatësisht në vendet 8, 9 dhe 10 në renditjen e përgjithshme për “Topin e Artë”.

Ora 21:00 – Xhud Bellingam fiton trofeun “Kopa” që i jepet lojtarit të ri më të mirë të vitit.

bandicam 2023-10-30 20-59-25-528

Ora 20:50 – Didier Drogba fton në skenë disa nga yjet e ftuar dhe që janë të pranishëm në këtë mbrëmje, mes të cilëve Mesi, Haland e Mbape.

bandicam 2023-10-30 20-51-36-657

Ora 20:45 – Nis mbrëmja gala, nën prezantimin e Didier Drogba dhe Sandi Heriber.

LISTA SIPAS RENDITJES

8 Viktor Osimhen

9 Bernardo Silva

10 Luka Modriç

11 Robert Levandovski

12 Mohamed Salah

13 Jasin Bunu