Deputeti i LDK-së, Avdullah Hoti, ka reaguar pas përfundimit të misionit dyjavor mbikëqyrës të Fondi Monetar Ndërkombëtar (FMN) në Kosovë, duke thënë se vërejtjet e këtij institucioni konfirmojnë shqetësimet e tij për menaxhimin ekonomik të vendit, raporton GazetaBlic.
Sipas Hotit, raporti i FMN-së nxjerr në pah rënien e rritjes ekonomike në 3.25 për qind në fund të tremujorit të tretë 2025, rritjen e inflacionit në 5.25 për qind në dhjetor, si dhe zgjerimin e deficitit të llogarisë rrjedhëse në 9.6 për qind të PBB-së.
Ai thekson gjithashtu shqetësimet për nivelin e lartë të kredive bankare, pagat në sektorin publik, pagën minimale dhe nevojën për kursime në shpenzimet për mallra dhe shërbime.Hoti kritikon mungesën e investimeve publike dhe të politikave industriale, duke theksuar se importi është rritur ndjeshëm, ndërsa prodhimi vendor ka ngecur.
Ai shprehet se masat si vendosja e çmimeve tavan nuk janë zgjidhje për inflacionin, duke kërkuar politika zhvillimore që mbështesin sektorin privat dhe rrisin punësimin.Sipas tij, pa ekspertizë të mirëfilltë në politikat fiskale dhe industriale, nuk pritet reflektim nga qeveria e re.
Postimi i plotë: