Presidentja e Kosovës, Vjosa Osmani, gjatë vizitës së saj në Washington D.C., është takuar me Senatorin amerikan Andy Kim.
Përmes një postimi të shefes së shtetit në Facebook, theksohet rëndësia e bashkëpunimit të ngushtë me SHBA-në.
“Kosova është e bekuar me mbështetjen e fuqishme dhe të palëkundur të Kongresit Amerikan”, ka shkruar Osmani, duke nënvizuar se në takim u diskutua forcimi i partneritetit strategjik ndërmjet Kosovës dhe SHBA-së në fusha si siguria, zhvillimi ekonomik dhe inovacioni.