Ish-ambasadori i Holandës në Kosovë, Robert Bosch, ka komentuar krizën politike në vend me çështjen e presidentit, duke shtuar se zgjedhjet e reja nuk do ta përmirësonin situatën, pasi ajo do të ishte e ngjashme me tani nëse partitë sërish nuk janë të gatshme të lëvizin, transmeton Gazeta Metro.
Sipas tij, për të mirën e vendit duhet të arrihet kompromis.
“Do të ishte keq për Kosovën nëse nuk do të mund të zgjidhej një president dhe zgjedhjet e reja nuk do ta përmirësonin situatën, pasi ajo do të ishte e ngjashme me tani nëse partitë sërish nuk janë të gatshme të lëvizin. Për të mirën e vendit: kompromis!”, ka shkruar Bosch.
Në reagimin e tij tutje, Bosch ka përmendur edhe deklarimin e kryeministrit ,Albin Kurti, i cili ka paralajmëruar një seri zgjedhjesh të njëpasnjëshme nëse presidenti nuk zgjidhet deri më 28 prill./gazetametro.net