Deputeti i LDK-së, Arben Gashi, ka thënë se presidentja Vjosa Osmani dhe kryeministri në detyrë, Albin Kurti, vazhdojnë me deklarata kundërthënëse në lidhje me Marrëveshjen e Uashingtonit të vitit 2020.
Ai tha se Osmani e Kurti këtë marrëveshje dikur e konsideronin tradhti kombëtare, ndërsa sot e prezantojnë si “arritje historike” për Kosovën.
“Pas pesë vitesh në pushtet, Presidentja dhe Kryeministri vazhdojnë me veprime dhe deklarata kundërthënëse. Ata që dikur thoshin se Marrëveshja e Washingtonit ishte kundërkushtetuese dhe tradhti kombëtare, sot e quajnë “arritje historike” dhe “sukses për Kosovën” ka shkruar Gashi.Postimi i plotë:
Pas pesë vitesh në pushtet, Presidentja dhe Kryeministri vazhdojnë me veprime dhe deklarata kundërthënëse.Ata që dikur thoshin se Marrëveshja e Washingtonit ishte kundërkushtetuese dhe tradhti kombëtare, sot e quajnë “arritje historike” dhe “sukses për Kosovën”.
Le t’ia lëmë historisë gjykimin për të shkuarën.Por detyra jonë është të flasim për sot.
Çfarë po bëjnë ata për:konstituimin e institucioneve?
ruajtjen e aleancave strategjike?zhvillimin ekonomik të vendit?
sigurinë kombëtare?Sot, në vend të vizionit – ka konfuzion.
Në vend të besimit – ka pasiguri.Në vend të aleancave – ka izolim.
Në vend të mobilizimit – ka apati.Kosova meriton më shumë.
Qytetarët meritojnë lidership të qartë, përgjegjës dhe të besueshëm.