Rezultatet e dobëta i kushtojnë Kosovës, “Dardanët” pësojnë rënie në renditjen e FIFA-s
Rezultatet e dobëta i kushtojnë Kosovës, “Dardanët” pësojnë rënie në renditjen e FIFA-s 18.11.2026 | 02:47
Kombëtarja e Kosovës ka pësuar rënie në renditjen e re të FIFA-s, duke humbur dy pozita pas rezultateve të fundit në ndeshjet ndërkombëtare.
 
Sipas të dhënave të përditësuara nga FIFA, ‘Dardanët’ tashmë renditen në vendin e 78-të në botë, me 1322.10 pikë.
 
Kjo rënie vjen pas përfundimit të ndeshjeve të fundit të Kosovës, ku rezultati ndaj Republikës së Irlandës ndikoi në bilancin e pikëve të saj në renditjen ndërkombëtare.
 
Rënia vjen në një moment të vështirë për Kosovën, e cila e mbylli fazën e grupeve të Ligës së Kombeve me humbjen 3-0 ndaj Republikës së Irlandës në Dublin.
 
Kjo disfatë erdhi pas barazimit 0-0 me Izraelin, ndërsa në dy ndeshjet e mëparshme “Dardanët” kishin barazuar edhe me Austrinë dhe Izraelin.
 
Ndaj Irlandës, ndeshja mori një kthesë të pafavorshme për Kosovën në minutën e 26-të, kur Kreshnik Hajrizi u ndëshkua me karton të kuq për një ndërhyrje me dorë në vijën e portës.
 
Troy Parrott shënoi nga penalltia, realizoi sërish në fillim të pjesës së dytë, ndërsa Jack Moylan vulosi fitoren e vendasve.
 
Humbja në Irlandë nuk ishte vetëm një përfundim zhgënjyes i këtij cikli të ndeshjeve, por u reflektua edhe në renditjen e kombëtareve.
 
Megjithatë, kjo rënie nuk e fshin progresin që ekipi kombëtar ka bërë në vitet e fundit. Në tetor të këtij viti, Kosova kishte arritur pozitën e 76-të, që ishte renditja më e mirë në historinë e saj deri atëherë.
 
Për ‘Dardanët’ tani mbetet të rikthehen te rezultatet pozitive në ndeshjet e ardhshme, në mënyrë që të përmirësojnë pozicionin në renditjen botërore./Telegrafi/
Biskota me çokollatë dhe avokado – Ëmbëlsira e shëndetshme Avokado mund të jetë një zëvendësues i shkëlqyeshëm i vajit ose i gjalpit, për ta bërë këtë mjafton
Recetë: Brokoli me gjizë e hudhra, shumë e shëndetshme Kjo është një recetë e thjeshtë, shumë fantastike dhe e pasur në vlera ushqyese. Përgatitet me
Maska që tërheqë fytyrën më mirë se botoksi Nuk keni nevojë të humbni shumë para për t’u dukur më të rinj!
Smoothie nga limoni dhe jogurti për dobësim dhe metabolizëm të shpejtë Nëse dëshironi të hiqni shpejt dhe shëndetshëm kilogramët nga kofshët dhe stomaku, atëherë ky
Palëpeta gjermane: Brumi më i shijshëm, por më i mira është që mund të jetë i njelmët dhe i ëmbël! Jemi të sigurt që do të kënaqeni në gatimin interesant dhe në shijen e parezistueshme të palëpetave