Prezantuesi i emisionit del shqiptar, Rita Ora dhe moderatori flasin shqip gjatë emisionit britanik në radio
Prezantuesi i emisionit del shqiptar, Rita Ora dhe moderatori flasin shqip gjatë emisionit britanik në radio 07.06.2024 | 02:32
Këngëtarja shqiptare me famë botërore, Rita Ora, është befasuar së fundmi me prezencën e një bashkëkombasi në një radiostacion në Skoci.
 
Më saktësisht ajo po jepte një intervistë në emisionin e mëngjesit në Capital FM të Skocisë, kur mësoi se një nga prezantuesit, i quajtur Fat (emri i plotë i së cilit është Fat Brestovci) ishte gjithashtu shqiptar nga Kosova.
 
Ai kishte një mënyrë të veçantë për t’i uruar mirëseardhjen – me një përshëndetje në gjuhën shqipe.
 
“Mirëngjesi Rita, mirëse erdhe në Capital Breakfast”, iu drejtua ai, ndërsa Rita, pa humbur asnjë moment, iu përgjigj me po aq ngrohtësi në shqip me një “Mirëmëngjesi” të sajën.
 
E entuziazmuar nga kjo përvojë, Rita nuk ngurroi të shprehë çudinë dhe gëzimin e saj. “Është vërtet një çmenduri, më treguan para se të vija.
 
Nuk kam takuar kurrë në jetën time dikë që vjen nga vendi im dhe ka theks skocez. Kjo është e mrekullueshme”, tha këngëtarja në intervistën e saj.
 
Rita Ora ishte e ftuar në këtë radistacion për të promovuar këngën e saj të fundit, “Ask And You Shall Receive”, e cila së fundmi ka gjetur jehonë të gjerë në botën e muzikës.
 
Megjithëse udhëtimi i saj ka qenë i mbushur me arritje ndërkombëtare, duket se zemra e saj mbetet e lidhur ngushtë me rrënjët shqiptare, dhe momente si ky prezantimi në gjuhën amtare konfirmojnë këtë lidhje të veçantë me Kosovën.
Recetë: Brokoli me gjizë e hudhra, shumë e shëndetshme Kjo është një recetë e thjeshtë, shumë fantastike dhe e pasur në vlera ushqyese. Përgatitet me
Biskota me çokollatë dhe avokado – Ëmbëlsira e shëndetshme Avokado mund të jetë një zëvendësues i shkëlqyeshëm i vajit ose i gjalpit, për ta bërë këtë mjafton
Maska që tërheqë fytyrën më mirë se botoksi Nuk keni nevojë të humbni shumë para për t’u dukur më të rinj!
Supë me patate dhe selino Selinoja është një perime e mrekullueshme e njohur gjërësisht për vetitë detoksifikuese të
Pastë me spinaq e djath Zieni pastat. Përderisa zihen pastat, përgatisni sosin. Në një tigan të thelle shkrni buterin,