Shtatë punëtor humanitar janë vrarë në Gazë si pasojë e një sulmi izraelit. Kështu ka thënë, Jose Andres themeluesi i organizatës humanitare Kuzhina Qendrore Botërore.
Ndër të tjerë të vrarët janë nga Mbretëria e Bashkuar, Polonia dhe Australia.
Andres ka thënë se ata janë vrarë nga një sulm ajror i Forcave Mbrojtëse të Izraelit. E Forcat izraelite kanë thënë se detajet rreth këtij sulmi po i rishikojnë me hollësi.
Erin Gore, Drejtoresha Ekzekutive e kësaj organizate humanitare ka thënë se Kuzhina Qendrore Botërore i ndalon përkohësisht operacionet e saja në rajon.
Ajo ka treguar se punëtorët e vrarë ishin pjesë e një autokolone që u godit derisa po dilnin nga depoja në Deir al-Balah në Gazën Qendrore ku ekipi kishte shkarkuar më shumë se 100 ton me ndihma humanitare që u sollën në Gazë përmes rrugëve detare.