Qeveria e Australisë vendosi një ndalim të përkohshëm hyrjeje për shtetasit e Iranit jashtë territorit australian, për një periudhë gjashtë muajsh, duke argumentuar se kushtet e krijuara nga konflikti në Lindja e Mesme rrisin rrezikun që vizitorët të mos jenë në gjendje të largohen pas skadimit të vizave, transmeton Gazeta Metro.
Vendimi, i njoftuar nga Ministri i Brendshëm, Tony Burke, prek kryesisht mbajtësit e vizave turistike ose të punës që janë jashtë Australisë në momentin e hyrjes në fuqi të masës, edhe nëse dokumentet e tyre janë ende të vlefshme.
Autoritetet australiane thanë se ky kufizim është në “interes kombëtar” dhe synon të mbrojë integritetin e sistemit të migracionit, duke shmangur situata ku vizitorët ndodhen “të paaftë ose të pashpresë” për të kthyer në vendet e tyre për shkak të trazirave ndërkombëtare.
Nga masa përjashtohen personat që janë tashmë brenda Australisë, ata që janë në tranzit, si dhe familjarët e shtetasve australianë ose mbajtësit e vizave të përhershme. Qeveria gjithashtu ka hapur mundësi për leje të veçanta udhëtimi në raste humanitare ose përkatësi të ngushta familjare./gazetametro.net