Kreu i Odës Ekonomike të Kosovës Lulzim Rafuna e theksoi se presin nga Zyra e Rregullatorit të Energjisë që nesër t’i binden aktgjykimit të Gjykatës Komerciale në të cilin s’ka vend për mëdyshje. Ai theksoi se synimi i daljes në treg të lirë energjetik është i duhuri por procesi si ka rrjedhur ishte i gabuar nga fillimi, transmeton Gazeta Metro.
Rafuna në prag të skadimit të afatit të caktuar nga ZRrE për kalim në tregun e ashtuquajtur të lirë mes kërcënimeve të të mërkurës siç i konsideron komunikatat e KEDS dhe ZRrE ai tha se kanë argument të mjaftueshëm për pezullim të vendimit.
“Aktgjykimi në shqip është i shkruar dhe është pika e veçantë e dispozitivit që është pika 2 ku thotë anulohet në tërësi. Nëqoftëse është anuluar në tërësi s’mund të mbetet për një subjekt të mbetet në fuqi për një tjetër jo. Është ergo omnes – ndaj të gjithëve. Ta anuloi aktin gjykata. Përse u anlua duhet të punojnë me juristë se ku gabuan.”
Rafuna shtoi se nesër presin që ZRrE të tregohet e arsyeshme pasi ka pasoja të rënda për ekonominë e Kosovës.
“Pritjet tona janë që nesër paradite ZRrE të veprojë në mënyrë profesionale e ta pezulloj vendimin duke u bazuar në aktgjykimin e Gjykatës Komerciale”./gazetametro.net