Nxënësit e Shkollës së Muzikës “Prenk Jakova” nga Prishtina, ishin të ftuar që të marrin pjesë në një turne koncertal në Kroaci dhe Slloveni.
Mirëpo ata janë përballur me pengesa gjatë kthimit të tyre për në Kosovë.
Pasi udhëtuan drejt Kroacisë përmes Malit të Zi, grupi muzikor planifikoi që rrugën e kthimit ta bënte përmes Serbisë.
Megjithatë, autoritetet serbe nuk i lejuan të kalonin kufirin, duke i kthyer mbrapshtë, pasi nuk kishin certifikata.
Pavarësisht kësaj pengese, nxënësit nuk u dorëzuan.
Në vend të zhgënjimit, ata shfaqën shpirtin artistik dhe vendosmërinë e tyre duke organizuar një koncert të improvizuar në zonën kufitare mes Kroacisë dhe Serbisë.
Performanca u prit me duartrokitje nga udhëtarë të shumtë, që prisnin të kalonin kufirin drejt Kroacisë, duke e kthyer një situatë të vështirë në një moment frymëzues./Indeksonline/