Papa Françesku edhe njё herё, me emërimin e Imzot Arjan Dodaj kryeipeshkёv tё ri tё Kishёs sё Tiranё-Durrёsit, dëshmoi dashurinë, kujdesin dhe inkurajimin e tij atëror ndaj Kishës dhe shoqërisë nё Shqipëri. Imzot Dodaj është i treti arqipeshkëv i kryedioqezёs sё Tiranё-Durrёsit pas riorganizimit të Kishës shqiptare në periudhën postkomuniste. Arqipeshkvi i ri ka para sfida tё reja, por me emërimin e Imzot Arjanit kemi pikërisht këtë vazhdimësi e në të njëjtën kohë edhe një shtytje të re.
Papa Françesku edhe njё herё, me emërimin e Imzot Arjan Dodaj kryeipeshkёv tё ri tё Kishёs sё Tiranё-Durrёsit, dëshmoi dashurinë, kujdesin dhe inkurajimin e tij atëror ndaj Kishës dhe shoqërisë nё Shqipëri.
Imzot Arjan Dodaj është i treti arqipeshkëv i kryedioqezёs sё Tiranё-Durrёsit pas riorganizimit të Kishës shqiptare në periudhën postkomuniste. Arqipeshkvi i ri, imzot Arjan Dodaj ka para sfida tё reja, por ka edhe njё trashëgimi shpirtërore e kishtare qё do jetё njё ndihmë nё kёtё rrugëtim tё ri kishtar e shoqëror.
Të dashur miq e dëgjues të Radio Vatikanit - Vatican News,
tashmë jeni në dijeni të kësaj etape të re nё kryedioqezёn Tiranё-Durrёs me emёrimin e arqipeshkvit tё ri nё personin e Imzot Arjan Dodaj. Siç e theksoi edhe Nunci Apostolik në dhënien e lajmit, një bari është një dhuratë e Zotit për popullin e tij, e nëpërmjet kësaj dhurate tregohet edhe dashuria e kujdesi që Selia Apostolike, që Papa, që Kisha Universale ka ndaj njё Kishe vendore. Ky kujdes përkon me misionin e Kishës për shpalljen e Lajmit tё Mirё, ky Lajm i Mirë i Ungjillit qё kёtu nё trevat tona, e në mënyrë më specifike në Ipeshkvinë e Durrësit e ka fillimin e saj nga epoka apostolike, me Shën Cezarin, një nga 72 dishepujt e Zotërisë, me shën Astin e kështu me radhë. E me emërimin e Imzot Arjanit kemi pikërisht këtë vazhdimësi, por në të njëjtën kohë edhe një shtytje të re.
Imzot Dodaj është i treti arqipeshkëv pas riorganizimit të Kishës shqiptare në periudhën postkomuniste.
Imzot Rrok Mirdita (1993-2015)
"Që të gjithë të jenë një".
Rindërtimi fizik, nga gjithë ajo situatë. Ndërtimi i selisë arqipeshkvore dhe i katedrales së Shën Palit. Nga Arqipeshkvia Durrës-Tiranë në Tiranë-Durrës.
Mbёshtetja dhënë besimtarёve dhe shoqёrisё pёr njё rimëkёmbje nga rrёnojat shpirtёrore, njerёzore e shoqёrore shkaktuar nga regjimi komunist.
Pёrpjekjet pёr t’i shёruar plagët e trashёguara nga diktatura, pёr t’i rivendosur vlerat e mirёfillta njerёzore, shpirtёrore, ndёrfetare e demokratike nё shoqёrinё e re nё Shqipёri.
Por edhe çështja e ambientimit, sepse vërtet ishte shqiptar, por nuk kishte jetuar në Shqipërinë komuniste. Shqipëria e viteve ’90 ishte mjaft komplekse.
Imzot George Frendo (1996-2021)
"Bariu dëgjoftë zërin e deleve".
Rindërtimi shpirtëror. Afërsia e bariut me delet, pra, lidhja me njerëzit. Dialogu mes fesё e arsyes. Dhe aspekti i ungjillëzimit kulturor në përballje me shoqërinë ateiste, jo të krishterë. Në kontekstin e një kishe e të një katolicizmi minorance. Përpjekja e tij që të krijonte një frymë kishtare afёr besimtarёve dhe kjo u vu re në përpjekjet e tij për realizimin e sinodit dioqezan.
Arqipeshkvi i ri, imzot Arjan Dodaj. Ka tani para sfida tё reja. 10-15 vitet e fundit kanë shkaktuar një ndryshim demografik rrënjësor që është ende në proces.
Shpopullimi i fshatrave. Rritjet e numrit të popullsisë në periferinë e Tiranës dhe të Durrësit. Por edhe këtu popullsia ende nuk e ka si destinacion final, por vazhdon të programojë largimin jashtë Shqipërisë. Përqendrimi i rinisë universitare gjatë kohës së studimeve në Tiranë, por gjithmonë me idenë e një largimi nga Shqipëria (si vetë ipeshkvi që emigroi në moshë të re). Pabarazitë sociale. Ndryshimi i kontekstit të famullive. Pasiguri në vetë klerin, rregulltarët e rregulltaret. Kriza ekonomike e arqidioqezës, problemi i pronave akoma të parikuperuara.
Aktualizimi i dokumenteve të sinodit dioqezan.
Ashtu siç nënvizon Papa Françesku, janë disa aspekte të lidhura ngushtë në këtë mision:
1. Afërsia, lidhja e ngushtë me Hyjin; burimi i ministerit të ipeshkvit.
2. Nga kjo lind afërsia, lidhja, me popullin e Zotit.
3. Disponueshmeria reale, e vërtetë. Pra të jesh realisht afër njerëzve dhe në kontakt me ta.
4. Kujdesi ndaj atyre që janë më të braktisur apo ndihen të mënjanuar. Maturi dhe vetëpërmbajtje në mënyrën e të jetuarit. Njё dёshmi me stilin e jetesёs.
5. Afërsia ndaj meshtarëve. Ata përballen me një botë që shpesh është në kundёrshtim me pёrmasёn shpirtërore e fetare, madje nё armiqësi me dritën.
Prandaj kanë nevojë të ndihen të mirëpritur, ta ndiejnë që kanë mbështetje dhe të inkurajohen vazhdimisht.
“Ja nëna jote” e ka Imzot Dodaj moton e tij ipeshkvore. Prandaj, ndërsa e shoqërojmë me lutjen tonë dhe i besohemi lutjes së tij, le t'i mbështetemi të gjithë në këtë periudhë e në këtë kohë Jezusit pikërisht me ndihmën e ndërmjetësinë e Marisë, asaj që ishte dhe mbeti Nëna dhe Ndjekësja e Tij./Radio Vatikani