Emrin e Vitaly Skakun sot e mësoi e gjithë bota. Inxhinieri në ushtrinë ukrainase hodhi vetën në erë në një urë për të ngadalësuar përparimin e ushtrisë ruse.
Heroizmi i Skakun u duartrokit anë e mbanë botës demokratike.
Në Kosovë, profesori universitar Blerim Latifi, e ka krahasuar ukrainasin me Oso Kukën.
“”Oso Kuka” i Ukrainës. Për ta ndaluar avancimin e tankeve ruse i riu Vitaly Skakun qenka martirizu duke hedhur veten në erë bashkë urën nga do të kalonin ato.”, shkroi Latifi në llogarinë e tij në Facebook.
“Veç dashuria e pakusht për lirinë e atdheut, mundëson heroizma të tillë”, shtoi ai.
Shqiptari Oso Kuka i rrethuar nga malazezët në Vraninë kishte hedhur vetën në erë.