Në një telegram të nënshkruar nga Sekretari i Shtetit të Vatikanit, kardinali Pietro Parolin, Papa shpreh afërsinë e tij shpirtërore me njerëzit e përfshirë në përplasjen tragjike mes dy trenave të shpejtësisë së lartë, ndodhur dje, më 28 tetor, në Toledo, me një bilanc prej më se 60 viktimash. Ati i Shenjtë u shprehl ngushëllimet familjarëve të viktimave, duke inkurajuar ekipet e ndërhyrjes së shpejtë të vijojnë operacionet e shpëtimit.
Papa Leoni XIV shprehet «thellësisht i pikëlluar» për «lajmin e dhimbshëm» të përplasjes tragjike ndërmjet dy trenave të shpejtësisë së lartë, ndodhur dje, më 28 tetor, në zonën spanjolle të Urda-s, pranë Toledos. Bilanci i viktimave është i rëndë: mbi 60 të vdekur dhe 180 të plagosur. Ati i Shenjtë siguron lutje për viktimat në një telegram të nënshkruar nga Sekretari i Shtetit të Vatikanit, kardinali Pietro Parolin, drejtuar kryeipeshkvit të Toledos, imzot Francisco Cerro Chaves.
Lutja për ekipet e ndërhyrjes së shpejtë
Në tekst, Leoni XIV u shpreh «ngushëllimet e tij të sinqerta familjarëve të njerëzve, që kanë humbur jetën», duke vënë njëkohësisht në dukje «shprehjet e ngushëllimit, kujdesit të përzemërt dhe urimet për shërim të shpejtë për të plagosurit».
Gjithashtu, Papa i inkurajon anëtarët e ekipeve të ndërhyrjes së shpejtë të vijojnë me këmbëngulje operacionet e shpëtimit dhe të ndihmës, duke u dhënë me gjithë zemër «bekimin e tij apostolik, si shenjë shprese në Zotin e Ringjallur»./Radio Vatikani