Zhytësit nga vende të ndryshme që po kryejnë operacione për gjetjen e trupave pas përmbytjeve në Libi janë tronditur me atë që kanë zbuluar.
Një numër zhytësish nga ekipet e huaja të shpëtimit, të cilët po kryejnë operacione për të rikuperuar trupat pas përmbytjeve në Libi, zbuluan një tragjedi të tmerrshme në portin e qytetit libian Derna. Zhytësit konfirmuan se një numër i madh trupash kanë mbetur të ngecur në portin e Dernës, në 12 metra thellësi, madje disa brenda makinave të tyre.
Situata e tmerrshme e trupave tregon se shoferët nuk kishin pasur kohë të linin as makinat e tyre, për shkak të shpejtësisë së ujit. Shirat e dendur të shkaktuara nga stuhia mesdhetare Daniel, shkaktuan përmbytje të shpejta vdekjeprurëse në Libinë lindore fundjavën e kaluar. Përmbytjet prishën dy diga, duke dërguar ujë disa metra të lartë nëpër qendrën e Dernës, i cili shkatërroi lagje të tëra dhe duke hedhur edhe njerëzit në det.