Forca e Sigurisë së Kosovës është pasuruar me 12 oficerë të rinj, të cilët kanë përmbyllur me sukses ciklin katërvjeçar të studimeve dhe trajnimeve profesionale në fushën ushtarake, akademike dhe të udhëheqjes, transmeton Gazeta Metro.
Aktiviteti i diplomimit u organizua në kazermën “Adem Jashari”, ku u theksua rëndësia e brezit të ri të oficerëve, të cilët pritet të marrin role kyçe në zhvillimin dhe avancimin e kapaciteteve të ushtrisë së Kosovës.
Për këtë ngjarje ka reaguar edhe kryeministri në detyrë, Albin Kurti, i cili përmes një mesazhi publik uroi oficerët e diplomuar.
“Sot është një ditë krenarie për shtetin, sepse në kazermën që mban emrin e kryekomandantit të UÇK-së, Adem Jashari, diplomuan disa nga udhëheqësit e ardhshëm të ushtrisë sonë”, shkroi Kurti./gazetametro.net