Ambasadori i Kosovës në Belgjikë, Astrit Zemaj së bashku me ambasadoren e Shqipërisë, Suela Janina kanë qenë të ftuar nga Don Kastriot Idrizit dhe të “Bashkësisë Katolike Shqiptare të Belgjikës” në Kishën “Notre-Dame de Laeken” në Bruksel.
Ata janë ftuar në meshën solemne të mbajtur në gjuhën shqipe me rastin e pervjetorit të pestë të Shenjtërimit dhe Festës së Shën Nënë Terezës, transmeton Indeksonline.
Postimi i plotë i Astrit Zemajt:
Pesë vjetori i Shënjtërimit të Shën NËNË TEREZËS.
Sot me ftesë të Don Kastriot Idrizit dhe të “Bashkësisë Katolike Shqiptare të Belgjikës” në Kishën “Notre-Dame de Laeken” në Bruksel, së bashku me Ambasadorën e Shqipërisë, znj.Suela Janina, pata nderin dhe kënaqësinë të marr pjesë në Meshën solmene të mbajtur në gjuhën shqipe me rastin e pervjetorit të pestë të Shenjtërimit dhe Festës së Shën Nënë Terezës.
“Unë jam vetëm një laps në duart e Zotit” – SHËN NËNË TEREZA./Indeksonline/