Atë që nuk e bën Ministria e Kulturës, e realizojnë vetë banorët. Donatorë dhe emigrant të fshatit Merqi në Lezhë, kanë mbledhur fonde për të shpëtuar nga rrënimin Kishën e Kuvendit të Arbërit, e cila është monument kulture i kategorisë së parë. Pas mbledhjes së fondeve, ka nisur puna për restaurimin e Kishës.
Pas neglizhencës dhe heshtjes së Ministrisë së Kulturës dhe institucioneve përgjegjëse, banorëte fshatit Merqi dhe donator të ndryshëm, kanë mbledhur fonde për restaurimin e Kishës së Shën Gjona Kryepremtit apo e njohur ndryshe si “Kuvendi i Arbërit”. Kjo kishë është monument Kulture i Kategorisë së Parë, por e dëmtuar disa kohë më parë.
Paratë për restaurimin e kishës janë mbledhur nga emigrant të zonës, përfshirë dhe sipërmarrësin Gjergj Lejeqeza. Për studiuesin Dom Nik Ukgjini, kisha pritet të rikthehet në identitet pas restarurimit.
Dom Nika thotë se financimiet në Shqipëri për të tilla raste janë gjithmone probematike, ndërsa akuzon ministrinë e kulturës për indiferentizëm.
Ndërhyrja konsiston në rehabilitimi i Kishës mesjetare të Kuvendit të Arbrit duke e kthyer në identitetin e saj të mëparshëm.