Adeodata Paluca, 15 vjeç, nxënëse e shkollës “YLBER”, e Motrave të Shoqërisë së Zojës Mari, në Tiranë, u vlerësua dhe u shpall nga Komisioni i Arsimit fituese e çmimit 'Nёnё Tereza', si dhuratë imzot Frendo i krijoi asaj mundësinë tё takohet me Papёn Françesku, gjatë audiencës së përgjithshme tё 6 tetorit 2021. “Me dashurinë e të afërmit, i varfëri pasurohet, pa dashurinë e të afërmit i pasuri varfërohet”. Ka thёnё Shёn Augustini.
Adeodata Paluca, 15 vjeç, nga shkolla fillore “YLBER” nё Tiranё, ёshtё fituesja e çmimit ‘Nënё Tereza’ 2021 pёr bamirësi nё kryedioqezёn Tiranё-Durrёs, pasi është dalluar pёr veprat e mira ndaj tё tjerёve dhe ndaj mjedisit.
Po kujtojmë se çmimi ‘Nënё Tereza’ është krijuar nga Imzot George Frendos sё bashku me Komisionin e Arsimit tё Arqidioqezës Tiranё-Durrës qё kryesohet nga motër Teuta Buka, saleziane, për nxënësit e shkollave Katolike të Arqidioqezës Tiranё-Durrës që dallohen për bamirësi e vepra të mirë.
Çmimi Nёnё Tereza u themelua nga imzot Frendo pёr t’u dhёnё, vetёm pёr shkollat katolike tё kryedioqezёs Tiranё Durrёs, atyre fëmijëve qё janё angazhuar nё pёrkujdesin pёr ambientin, pёr vlerat, pёr mikpritjen e fëmijëve tjerë etj.
Kёshtu, nxënësja e shkolles fillore “YLBER”, e cila drejtohet nga Motrat e Shoqërisë së Zojës Mari, Adeodata Paluca u vlerësua nga Komisioni i Arsimit e si fituese e çmimit Nёnё Tereza, e si dhuratë imzot Frendo i krijoi asaj mundësinë tё takohet me Papёn Françesku, ka edhe ndodhi gjatë audiencës së përgjithshme tё mërkurën e kaluar mё 6 tetor 2021. Para audiencës me Papёn, nё mikrofonin e redaksisë shqipe tё Radio Vatikanit – Vatican News, Adeodata Paluca tregoi historinё e saj, tё cilёn po ua propozojmë ta dëgjoni.
Me dashurinë e të afërmit, i varfëri pasurohet
Nxënësit që janë vlerësuar e vlerёsohen, nuk janë të tillë vetëm për vete, por edhe për shoqërinё: janë kripë dhe dritë për realitetet tokësore ju jetojnё. “Ju jeni drita e botës”. Jezusi ua thotë këto fjalë, nё Ungjilli (Mt 5,13-16) para së gjithash besimtarëve, nxënësve të tij, që janë të varfrit, të butët, ata që kanë uri dhe etje për drejtësi... Ata janë dritë jo aq pse i përkasin Kishës, ose ngaqë kanë doktrinën e shpëtimit, as sepse janë njerëz të lutjes e besnikë të kultit, por sepse janë të varfër, të butë, të pastër në zemër dhe punëtorë të paqes.. Dashurinё tonё ndaj Zotit dhe ndaj tё afërmit nuk e dëshmojmë vetëm me fjalë, por duke e jetuar personalisht, duke u angazhuar me të tjerët e për të tjerët, siç na tregon edhe shembulli i nxënësve tё mirё. Nxënësit e Zotit duhet të shkrihet e të depërtojë thellë në shoqëri, për t’i dhënë shije vendit e për të futur në botë tharmin e Krishtit. “Me dashurinë e të afërmit, i varfëri pasurohet, pa dashurinë e të afërmit i pasuri varfërohet”. Ka thёnё Shёn Augustini. Shembulli i nxënësve tё mirё i pasuron shkollat si dhe tё gjithё ata qё frekuentojnë kёto ambiente qё janё vatra e shoqёrisё, e sotmja dhe e ardhmja e vendit.
Nё vazhdim, ju propozojmё dёshminё e Adeodata Paluca pas takimit qё pati me Papёn Françesku, nё audiencёn e pёrgjithshme, shoqёruar nga imzot George Frendo dhe e ёma e saj.
Ta dёgjojmё..
Çka ёshtё çmimi Nёnё Tereza?
Motёr Teua Buka, saleziane, na shpjegon se çfarë ёshtё çmimi Nёnё Tereza, si lindi dhe nga kush mund tё fitohet nё shkollat e Kishёs katolike tё Kryedioqezёs Tiranё-Durrёs. Ta dëgjojmë Motër Teutën:
/Radio Vatikani