Do të ishte e pakuptim që Perëndimi të qëndrojë duarkryq teksa regjimi islamist i mullahëve vazhdon vrasjet masive të protestuesve kudo nëpër Iran, tha historani i njohur britanik, Niall Ferguson, përcjell Gazeta Metro.
Ferguson tregoi se si një gabim i madh që u bë gjatë luftës në Irak ishte nënvlerësimi i fuqisë që do ta fitonte Irani pas rënies së diktatorit Saddam Hussein. Zgjidhja më e mirë tash, sipas tij, është rrëzimi i teokracisë në Teheran.
”Zgjidhja më e mirë që mendoj unë është të hiqet teokracia, është shumë jopopullore. Pak iranianë do ta vajtonin”, tha historiani i klasit botëror.
Më tej, ai argumentoi se rrëzimi i teokracisë islamiste do t’i bënte nder vetë Iranit, rajonit, por edhe botës në përgjithësi.
”Do të ishte, pa fije dyshimi, një përfitim për iranianët e zakonshëm; do të ishte përfitim për rajonin në tërësi dhe për botën, të hiqet ky regjim djallëzor prej faqes së dheut. Le ta bëjmë!”, tha në fund Ferguson për The Free Press.
Ferguson ka qenë një zë i fuqishëm në favor të politikës së jashtme të SHBA-së në Administratën Trump, duke përfshirë sulmin ndaj Iranit vitin e kaluar dhe kapjen e diktatorit Maduro në Venezuelë po ashtu./gazetametro.net
Historian @NFergus argues the U.S. should finish the job in Iran.
“Get rid of the theocracy…It would be, without question, a benefit to ordinary Iranians; it would be a benefit to the region as a whole—and indeed the world—to remove this evil regime from the face of the earth.… pic.twitter.com/rarnfUW0wv
— Conversations with Coleman (@ConvoswColeman) January 15, 2026