Kryeministri i Mbretërisë së Bashkuar, Keir Starmer ka konfirmuar dorëheqjen nga udhëheqja e vendit dhe drejtimi i Partisë Laburiste. Ai tha se për këtë ka folur me Mbretin, raporton The Guardian.
Starmer tha se të bëhej kryeministër dy vjet më parë ishte momenti më krenar i jetës së tij.
“Një qeveri e re laburiste, e para pas 14 vjetësh.Një faqe në historinë e vendit tonë u kthye pas vitesh zhgënjimi dhe dëshpërimi, me mundësinë për të ndryshuar për mirë jetën e miliona njerëzve. Për këtë hyra në politikë”, tha ai.
BBC shkruan se Starmer ka kërkuar nga Komiteti Ekzekutiv Kombëtar i Partisë Laburiste që ta përcaktojë një kalendar, me hapjen e nominimeve për udhëheqjen më 9 korrik dhe përfundimin e procesit para pushimit veror të parlamentit.
Kjo do të thotë se një udhëheqës i ri do të jetë në detyrë para se parlamenti të rikthehet në shtator.
Deri atëherë, ai thotë se do të mbetet në postin e kryeministrit.