Nga: Gjon Keka
Nuk mjafton të mbash një emër me peshë historike si Gjergj, Gjon apo Justina. Vlera e vërtetë e këtyre emrave dëshmohet vetëm përmes veprave të mira atdhetare e krijuese, si dhe përmes respektit e nderimit më të lartë për figurat themeltare të kombit tonë dhe të Dardanisë sonë.
Largimi i portretit të Presidentit historik dhe arkitektit të pavarësisë së Kosovës, Dr. Ibrahim Rugovës, përbën një akt të rëndë dhe të turpshëm. Ky veprim është shenjë e mosnjohjes së prejardhjes sonë, e humbjes së vetëdijes se kush jemi dhe e mungesës së vizionit se kah dëshirojmë ta ndërtojmë të ardhmen.
Dikur mendoja se një figure me emrin Justina, e përzgjedhur në krye të shtetit, do t'u përcillte diplomatëve europianë mesazhin e qartë se Kosova ende ruan pasardhës të denjë të Pjetër Bogdanit dhe Nënë Terezës.
Fatkeqësisht, po dëshmohet e kundërta. Emri në vetvete as nuk të bën njeri dhe as nuk të lartëson. Vetëm jeta e mishëruar me vepra të ndershme, në mbrojtje të identitetit evropian dhe në respekt të figurave që hodhën themelet e shtetit, i jep kuptim të vërtetë çdo detyre dhe çdo emri./Bota Sot